Zënter Jore gëtt doriwwer diskutéiert, fir an der Rue de Linger op der Gemengegrenz tëschent Käerjeng a Péiteng ee gemeinsamen Zenter fir d’Police an den CGDIS entstoen ze loossen. A menge parlamentaresche Froen n°3404, 5328 a 6362 hat ech deemools schonn Informatiounen zu dësem Projet gefrot. An der Äntwert op meng Fro n°3404, waren zu deem Zäitpunkt nach keng Verhandlungen amgaangen, fir een neit Policekommissariat an d’Rue de Linger op der Grenz tëschent Péiteng a Käerjeng z’erriichten. An der Äntwert op d’parlamentaresch Fro 6362 (am Juni 2022) gouf geschriwwen, dass den Dossier vum Comité d’acquisition beim Finanzministère traitéiert gëtt a beim CGDIS vu sengem Verwaltungsrot.
An deem Zesummenhang hu mir der Regierung dës Froe gestallt:
-
Hält de Minister weider dru fest, fir ee Policebüro an der Rue de Linger op der Gemengegrenz tëscht Käerjeng a Péiteng z’erriichten?
-
Ginn et Fortschrëtter an dësem Dossier? Falls jo, wou sinn d’Diskussiounen drun?
