Kontrakt tëschent der Regierung an de Pëtrolsfirmen

Published by Piraten on

Et ass kee Geheimnis, dass d’Spritpräisser an deene leschte Joren ënnert dem Claude Turmes méi deier gi sinn. Dem Bierger gouf dat als reng Klimaschutzmoossnam an Entwécklung vum Marché verkaf.

D’Regierung huet awer kengem erzielt, datt d’Pëtrolsfirmen (Aral, Shell, Total a Co.) an der nämmlechter Zäit erlaabt kruten, hier Brutto-Margë bäizebehalen.

Zënter 2004 existéiert nämlech ee Kontrakt tëscht de Pëtrolsfirmen an der Regierung, deen d’Bruttomarge vum Sprit festsetzt. *

Dës sinn ënnert dem Energieminister Turmes souguer nach méi schnell gewuess (zwee Mol esou schnell), wéi den Index. Deemno huet dës Regierung de Pëtrolsfirme wärend all deene Jore weider Profitter geschenkt.

Esou geet Klimaschutz NET. An all deene leschte Jore sinn d’Präisser op der Tankstell geklommen. Elo stellt sech awer eraus, dass d’Pëtrolsfirmen iwwert all déi Jore Profitter vun der Regierung geschenkt kruten. Si hunn also op dës héich Präisser nach gutt Sue verdéngt. Domadder muss Schluss sinn.

 

* Fir déi, di et net wëssen: d’Bruttomarge (marge brute) sinn déi Suen, déi eng Firma iwwreg behält, nodeems bal all d’Käschten, ausser zum Beispill d’Salairen, bezuelt goufen.  Déi Grafik hei drënner weist Iech, wéi sech zB de Bensinspräis zesummesetzt.

 


0 Comments

Leave a Reply

Your email address will not be published.

This site uses Akismet to reduce spam. Learn how your comment data is processed.