An der Fro n°8227 huet den Aarbechtsminister de Prozess hannert der personaliséierter Betreiung vun der ADEM dokumentéiert.
Ënnert anerem seet de Minister:
“”En Aktiounsplang fir déi Leit déi vun enger intensiver Begleedung profitéiere gëtt der Konventioun bäigefügt. Dëse Plang, dee reegelméisseg à jour gesat gëtt, soll hëllefen d’Hindernisser déi eng professionell Aglidderung verhënneren, opzehiewen. Dësen Aktiounsplang détailléiert all d’Aktiounen déi d’ADEM dem Aarbechtsichenden an deem Sënn proposéiert. […] D’ADEM suivéiert d’Evolution an d’Fortschrëtter vum Aarbechtsichenden an ajustéiert den Aktiounsplang och gegeebenenfalls.””
An deem Zesummenhang hu mir der Regierung dës Froe gestallt:
-
Ass dësen Aktiounsplang an seng gegebenfalls Evolutioun zu all Moment fir d’Leit an der Begleedung accessibel?
-
Wéi gesäit esou ee Suivi personnalisé fir Leit mat enger Behënnerung aus, déi op der Adem ageschriwwe sinn? Wat ass den Oflaf? Wéi gëtt dësen dokumentéiert?
-
Sinn an dësem Suivi och all d’Schrëtt dokumentéiert, déi d’Adem fir déi Betraffen ënnerhëlt?
QP Nummer 8259
