D’Kinnéksfamiljen an der Belsch souwéi an Holland hunn decidéiert, fir ukrainesch Flüchtlingen a verschiddene vun hire Gebaier opzehuelen. Aktuell befannen sech zu Lëtzebuerg ronn 3000 Mënschen aus der Ukrain, zousätzlech zu de Flüchtlingen, déi aus anere Regioune schonn hei am Land sinn. All Plaz, déi een hei am Land kann ubidden, ass wichteg.
An deem Zesummenhang hu mir der Regierung dës Froe gestallt:
Huet de Minister Kenntnis dovun, dass och d’groussherzoglech Famill plangt, verschidde vun hire Gebaier fir Flüchtlinge bereetzestellen?
Wäert de Premierminister mat der groussherzoglech Famill kucken, ob Raimlechkeeten, déi de Grand-Duc vum Staat fir seng Funktiounen zur Verfügung gestallt kritt, kéinte fir Flüchtlingen opgemaach ginn?
QP Nummer 5983
