Nodeems virun e puer Deeg de jonke Nahel bei enger routinärer Autoskontroll vun engem Polizist erschoss gouf, ginn a Frankräich vill Persounen op d’Strooss fir géint d’Policegewalt ze manifestéieren. D’Protestaktioune sinn allerdéngs net alleguerte friddlech ofgelaf an esou ginn et aktuell queesch iwwert de franséischen Territoire Onrouen, déi a Saachbeschiedegung, Pyromanie, Déifställ a Verletzungen ausgaange sinn. Och an der Lorraine koum et zu Gewaltaktiounen. L’essentiel beriicht, dass zu Mont-Saint-Martin, e puer Meter vun der franséich-lëtzebuergescher Grenz an net wäit wech vun den Tankstellen, Gebaier a Brand gesat goufen, dorënner eng Schoul an ee Centre Médical.
An deem Zesummenhang hu mir der Regierung dës Froe gestallt:
- Wéi ass d’lëtzebuergesch Police op d’Onrouen an eisem Nopeschland virbereet?
- Wéi eng ginn aktuell ënnerholl, fir Infrastrukturen an der Grenzregioun viru Gewaltaktiounen ze schützen?
- Huet d’lëtzebuergesch Police eise franséischen Noperen Hëllef an Ënnerstëtzung zougesot, falls d’Onrouen an der Groussregioun eskaléiere sollten?
QP Nummer 8117
