An mindestens engem Foyer fir Leit déi op Lëtzebuerg geflücht sinn elo am Wanter Zoustänn, déi esou fir Kanner an och Erwuessener net gutt ze heesche sinn. Eisen Informatiounen no feelt et zum Beispill am Foyer vun der Turnhal zu Ettelbréck un Heizungsméiglechkeeten an un anstännegen Oftrennungen tëscht den eenzele Leit a Familljen.
An deem Zesummenhang hu mir der Regierung dës Froe gestallt:
-
Kann de Minister dës Zoustänn bestätegen? Sinn dëst Zoustänn déi kuerzfristeg entsti, well eng Heizung net geet oder laangfristeg, well net genuch Heizméiglechkeeten existéieren a verschiddene Foyeren?
-
Firwat ass et net méiglech fir an de Foyere, wou et néideg ass, mobil Heizungen zum Asaz ze bréngen?
-
Wat gëtt gemaach, fir dass d’Kanner an d’Erwuessen a Konditioune beherbegt ginn, déi den Engagementer, déi Lëtzebuerg international ënnerschriwwen huet, zum Beispill mat der Kannerrechtscharta, gerecht ginn?
-
Kann de Minister bestätegen, dass Alternative fir de Leit auszehëllefen a Punkto Hëtzen proposéiert gi sinn, déi awer net zréckbehale gi sinn? Wéi eng Alternative waren et a firwat si se net zréckbehale ginn?
-
Ass de Minister bereet de Loyer fir dëse Foyer erofzesetzen bis Léisunge fir d’Hëtzen vun der Sportshal fonnt sinn?
