Den 22te November hat ech eng dréngend parlamentaresch Fro un d’Madamm Gesondheetsminister gestallt (n°5271), fir gewuer ze ginn, wéi vill Impfstoff, deen no um Oflafsdatum ass, zu Lëtzebuerg nach am Stock ass. Trauregerweis hunn dunn iwwer 13.000 Dosen Enn November missten zerstéiert ginn. An de Wocheberichter vun der Santé zur Unzuel un Impfunge aus de vergaangene Wochen zeechent sech of, dass ëmmer manner Impfdosise verbraucht ginn.
An deem Zesummenhang hu mir der Regierung dës Froe gestallt:
-
Kann d’Ministesch eis d’Oflafdatumer grad ewéi déi verbleiwend Unzuel u Flaconen vun all deene verschiddenen Impfstoffer ginn, déi Lëtzebuerg am Moment op Stock huet?
-
Hunn d’Santé an de Kooperatiounsministère mëttlerweil ee Plang opgestallt, wéi Lëtzebuerg noutfalls séier Impfstoff un aner Länner weider ka ginn, falls sech sollt ofzeechnen, dass net all Flacone virum Oflafdatum benotzt ginn?
QP Nummer 5759
