Am Fall vun engem Krankeschäi ka bei de Mataarbechter:inne beim Staat den Kontrolldokter saiséiert ginn, deen eng Evaluatioun vum Gesondheetszoustand vun der betraffener Persoun ka maachen. Dëse kann dann d’Incapacité de travail bestätegen oder als net justifiéiert ugesinn. An deem Fall gëtt CGPO saiséiert fir d’Paie fir dës Zäit zréck ze froe respektiv zréck ze halen. 

An deem Zesummenhang hu mir der Regierung dës Froe gestallt:

1. Wéi gëtt de Mataarbechter:inne vum Staat eng Decisioun vum Kontrolldokter matgedeelt?

2. A wat fir engem Delai muss dës Decisioun de Betraffene matgedeelt ginn?

3. Wat fir Méiglechkeeten huet een dee Moment, fir Recours géint dës Decisioun anzeleeën? Gëtt et hei Ënnerscheeder tëscht Salarié, Employé a Fonctionnaire de l’Etat? Wa jo, wéi eng?

4. Huet den/déi Betraffen Accès op hir Dossiere vum Aarbechtsdokter?

Verlaf an der Chamber

QP Nummer 8285