Null-Stonne-Kontrakter

Mengen Informatiounen no gëtt a mindestens enger Maison Relais am Land d’Praxis ugewannt, dass Remplaçanten zu sougenannten “Null-Stonne-Kontrakter” agestallt ginn. Dat Besonnescht bei dëse Kontrakter ass, dass d’Mindestbeschäftegungsdauer bei null Stonne läit. Sou muss den Employé just aktiv ginn, falls den Employeur e Besoin artikuléiert. Dat féiert dozou, dass dës d’Remplaçanten nëmmen op d’Stonn remuneréiert ginn. Falls si also am Krankeschäi sinn oder an Quarantän/Isolatioun mussen, gi si also net bezuelt an de Patron cotiséiert och net weider fir si.

An deem Zesummenhang hu mir der Regierung dës Froe gestallt:

  1. Ass d’Praxis vun den “Null-Stonne-Kontrakter” zu Lëtzebuerg vum Code du travail ofgedeckt?

  2. Ginn et “Null-Stonne-Kontrakter” am ëffentlechen Déngscht?

  3. Falls jo, wéi vill “Null-Stonne-Kontrakter” zielt den ëffentlechen Déngscht?

  4. Falls jo, fannen d’Ministeren et sozial gerecht d’Employéeë gläichzäiteg ze bannen, hinnen awer keng Garantie fir een feste Kontrakt an eng sozial Ofsécherung ze ginn?

Verlaf an der Chamber

QP Nummer 5700

Zesummenhang posts

Den 12ten Juni gouf um RTL driwwer bericht, dass bei Konsdref e Känguru fortgelaf ass. Den 13ten Juni gouf um RTL den Artikel aktualiséiert
An der parlamentarescher Fro n°3235 vum August 2017 goufen eng Rei Froen zu der Zockersteier an anere Länner gestallt souwéi och zu enger méiglecher
Context: Etat de la nation 2024 D’Chamber vun den Deputéierten stellt fest: Datt eng Réi Mesuren nom Logementsdësch der Chamber proposéiert gi sinn. Dës