Mengen Informatiounen no gëtt a mindestens enger Maison Relais am Land d’Praxis ugewannt, dass Remplaçanten zu sougenannten “Null-Stonne-Kontrakter” agestallt ginn. Dat Besonnescht bei dëse Kontrakter ass, dass d’Mindestbeschäftegungsdauer bei null Stonne läit. Sou muss den Employé just aktiv ginn, falls den Employeur e Besoin artikuléiert. Dat féiert dozou, dass dës d’Remplaçanten nëmmen op d’Stonn remuneréiert ginn. Falls si also am Krankeschäi sinn oder an Quarantän/Isolatioun mussen, gi si also net bezuelt an de Patron cotiséiert och net weider fir si.
An deem Zesummenhang hu mir der Regierung dës Froe gestallt:
-
Wéi vill esou “Null-Stonne-Kontrakter” ginn et am kommunale Sektor?
-
Ass d’Ministesch der Meenung, dass de legale Kader hei misst adaptéiert ginn?
-
Fënnt d’Ministesch et sozial gerecht d’Employéeë gläichzäiteg ze bannen, hinnen awer keng Garantie fir een feste Kontrakt an eng sozial Ofsécherung ze ginn?
QP Nummer 5699
