An engem RTL Artikel vum 29.01.2021, maachen Journalisten op eng Grupp vun Enseignanten an Sympathisanten opmierksam déi sech ënnert der Form vun der Organisatioun “Nues am Wand” zesumme gedoen hunn, an déi maske-fräi Klassesäll fuerderen. Um Site vun der Organisatioun liest een Saachen ewéi, “Covid-19 féiert net zu enger Surmortalitéit” an dass Virussen am Allgemengen net gesondheetsschiedegend wieren : “Das Modell eines krank machenden Virus hat sich im Laufe der Medizingeschichte als nicht haltbar erwiesen.”
An deem Zesummenhang hu mir der Regierung dës Froe gestallt:
-
Déi éischt Beiträg um Blog vun der Organisatioun si vun Oktober 2019 (deemools nach iwwert aner Themen ewéi Covid). Hat de Ministère scho virum RTL Artikel Kenntnis iwwert dës Organisatioun? Huet de Ministère Kenntnis doriwwer op Enseignanten déi uewe genannten Theorien un d’Kanner weiderginn?
-
Wat fir Konsequenzen zitt de Ministère aus dëser Organisatioun? Hält de Minister dës fir eenzel Fäll oder fir eng eescht ze huelend Gruppéierung?
-
Wei kann de Minister den Eltere garantéieren, dass an de Schoulen a Lycéeë just Fakten iwwert Covid-19 un d’Schüler vermëttelt ginn?
D’Fro gouf leider net als dringend ugeholl.
QP Nummer 3535
