Net ouni meng Mask – Dëse Slogan ass den Ophänkert vun enger aktueller Publicitéitscampagne vun der Regierung, fir de Public fir d’Anhale vun de Corona-Mesuren ze sensibiliséieren. Dës Pub huet rezent d’Deckblat vun den Zeitunge vun engem Pressegrupp gefëllt.
An deem Zesummenhang hu mir der Regierung dës Froe gestallt:
-
Här Minister, gëtt d’Regierung bei all de Medien, déi vun der staatlecher Pressehëllef profitéieren esou eng Pub an Optrag ? Wann net, firwat net ?
-
Wéi goufen d’Pressehaiser, fir déi esou eng Publicitéit vun der Regierung an Optrag gi gouf, ausgewielt ?
-
Huet d’Regierung bei anere sougenannten “Out of Home” Annoncen op Bushaisercher vun enger Gratuitéit profitéiert?
-
Huet d’Regierung bei den Zeitungsannoncen vun enger Gratuitéit profitéiert oder goufen dës Annoncen zum Maartpräis akaaft?
QP Nummer 2147
