Et gouf rezent bekannt gemaach, datt d’Finanztechnologie-Firma Revolut decidéiert huet, hiren neien Haaptsëtz fir Westeuropa a Frankräich anzeriichten an eng franséisch Bankelizenz unzefroen. Dës Entscheedung vun enger wichteger Fintech-Firma kéint potenziell Auswierkungen op de Lëtzebuerger Finanzplaz hunn.
An deem Zesummenhang hu mir der Regierung dës Froe gestallt:
-
War d’Regierung a Kontakt mat de Vertrieder vu Revolut virun dëser Entscheedung? Falls jo, wat waren d’Grënn, déi d’Firma uginn huet, fir sech géint Lëtzebuerg ze entscheeden?
-
Hat Revolut och zu Lëtzebuerg no de Konditiounen fir eng Bankelizenz gefrot?
-
Wéi evaluéiert d’Regierung den Impakt vun dëser Entscheedung op d’Lëtzebuerger Finanzplaz, besonnesch am Kontext vun der Konkurrenz tëscht europäeschen Zentre fir Finanztechnologie-Firmen?
QP Nummer 2346
