Bei engem Nato-Treffen den 3ten Abrëll gouf iwwert d’Schafung vun engem Fong fir d’Ukrain diskutéiert. An dësem Fong sollen 100 Milliarden iwwert déi nächst 5 Joer gesammelt ginn. D’Zil ass dem NATO-Generalsekretär Jens Stoltenberg no: “der Ukrain eng zouverlässeg a previsibel Ënnerstëtzung op laang Siicht [ze] garantéieren, fir datt mer manner op fräiwëlleg Bäiträg, a méi op fest NATO-Engagementer setze kënnen. Manner kuerzfristeg Offeren, méi Engagementer iwwer Joren.”
An deem Zesummenhang hu mir der Regierung dës Froe gestallt:
-
Gouf Lëtzebuerg scho virum Nato-Treffe vum 3ten Abrëll am Kontext vum geplangte Fong approchéiert? Wa jo, wat war d’Positioun vun der Regierung zu dëser Iddi?
-
Plangt Lëtzebuerg, sech un dësem Fong ze bedeelegen?
QP Nummer 578
