Här President,
Sou wéi den Artikel 83 vun eisem Chambersreglement et virgesäit, biede mir Iech, dës parlamentaresch Fro un de Premierminister & de Minister fir Aussenugeleeënheeten an Europa weiderzeleeden.
D’EU-Kommissioun grad ewéi de franséische Secrétaire d’État aux Affaires européennes hunn dës Aussoen dementéiert.
- Hunn d’Hiersteller BioNTech a Moderna der EU-Kommissioun ugebueden, fir zousätzlech zu den am Kafvertrag festgehalenen Dosen, nodréiglech nach weider Dose bei hinnen nozebestellen?
Falls jo, aus wéi enge Grënn gouf dës Offer net ugeholl?
- Moderna huet de 27ten Juli matgedeelt, dass si kéinten an déi 3ten Etapp vun hirer Studie starten. De Kafvertrag mat Moderna gouf awer eréischt de 25ten November ofgeschloss. De Moderna Vaccin kéint de 6ten Januar vun der europäescher Medikamenten-Agence approuvéiert ginn.
Firwat gouf 4 Méint nodeems dëse Vaccin als ee vun den éischten an déi drëtt a leschte Phase vun hirer Entwécklung gaangen ass, eréischt ee Kafvertrag ofgeschloss?
- D’Hiersteller Sonafi a GSK hunn matgedeelt, dass hiren Impfstoff warscheinlech léicht am leschten Trimester vun 2021 wäert prett sinn. Si hunn Enn Dezember 2020 annoncéiert an déi 3. Phase ze goen – 5 Méint no Moderna. D’EU-Kommissioun huet awer schonn den 18.09 ee Kafvertrag ofgeschloss, den 2ten no AstraZeneca, déi déi 3 Phase vun Tester virum Vertrag annoncéiert haten.
Firwat goufe bei verschiddenen Hiersteller d’Kafverträg schonn ënnerschriwwen, éier si an déi drëtt Phase vun hire Studie gaange sinn?
Firwat goufe bei verschiddenen Hiersteller d’Kafverträg eréischt Méint nom Start vun der drëtter Phase ofgeschloss?
Fro n°3376
