Mäin Numm ass Nathalie Goedert. Ech hunn 37 Joer, si bestuet an hunn 2 Kanner an der Spillschoul.
Berufflech sinn ech an der Hotellerie ënnerwee an schaffen an der Receptioun vun engem Hotel wou ech an Kontakt mat Clientèle vun allen Nationalitéiten a Kulture sinn. Den internationale Kontakt ass allen Hisiichten eng immens Beräicherung.
Privat a sécherlech och duerch mäin Schoulofschloss als technicien en tourisme aus der Hotelschoul zu Dikrech interesséieren ech mech fir den Tourismus a Kultur an eisem Land.
Am Moment hunn ech mech mam Projet “Vakanzenduerf” zu Wäisswampech beschäftegt.
Als echte Minettsdapp wëll ech mech gäre fir den Tourismus an d’Kultur am Süden awer och am Weste vum Land engagéieren.
Educatioun, Liewen am Alter, Wunnen a sozial Gerechtegkeet sinn Theme fir déi ech mech och asetzen an eng grouss Roll an eisem Familljeliewe spillen. D’Zukunft vun eise Kanner soll zu Lëtzebuerg geséchert ginn.
A menger Fräizäit entdecken ech gären Neies mat menger Famill, liese vill, da maachen ech nach Schmuck an och meng Säit: www.kannerinfo.net.
Dat wichtegst am Liewen ass meng Famill
an do fir setzen ech mech fir eng gutt Zukunft an, an engagéiere mech an der Politik.
