Motioun fir Strofe fir Impfdrängler

Context:Gesetzesprojet 7784

D’Chamber vun den Deputéierten stellt fest:

dass d’Unzuel u verfügbaren Dosisse vun de Covid-19-Vaccinen zu Lëtzebuerg am Moment nach limitéiert ass ;
dass Fäll zu Lëtzebuerg opgetruede sinn, bei deene Persoune fréizäiteg geimpft goufen ;
dass de Gesondheetsministère een Impfplang virgeluecht huet an och déi betraffen Institutiounen a Persounen iwwert dësen informéiert huet ;
dass de Gesondheetsministère mam Conseil supérieur des maladies infectieuses de 27ten Januar d’Phasen 2 bis 6 vum Impfplang virgestallt hunn ;
dass an Däitschland de Gesondheetsminister am Moment mam Parlament iwwert d’Strofe, fir sougenannten “Impfdrängler” diskutéiert ;

Aus dëse Grënn invitéiert d’Chamber vun den Deputéierten d’Regierung:

dee bestoende Regime fir Strofen fir Leit, déi sech entgéint dem festgeluechte Plang vun der Direktioun vun der Santé impfe loossen, ze iwwerschaffen, fir esou Abusen an Zukunft ze verhënneren.