Motioun fir méi Transparenz beim CO2-Ausstouss vu Fligeren

Context:Aktualitéitsstonn vum 10te Mäerz 2021 iwwert d’Reduktioun vun CO2-Emissiounen

D’Deputéiertechamber stellt fest:

  • Verschidden Online-Buchungsplattforme weise virum Kaf vun engem Fluchticket un, wéi vill CO2-Emissiounen duerch de Passagéier bei sengem Fluch wäerten ausgestouss ginn;
  • Am Sënn vun der Transparenz an am Hannergrond vun enger klimafrëndlecher Mobilitéitspolitik, wär et wichteg d’Passagéier z’informéieren, wat si duerch hire Fluch un CO2-Emissiounen ausstoussen, andeems den CO2-Ausstouss scho virum Kaf vum Ticket op der Online-Plattform ugewise gëtt;
  • An der Äntwert op d’parlamentaresch Fro n°3446 begréissen Ministere fir Mobilitéit, Ëmwelt a Klima an Energie d’Iddi: “d’Affichéiere vum CO2-Ausstouss um Fligerticket kéint duerchaus nëtzlech sinn, virun allem well de Verbraucher doduerch informéiert a sensibiliséiert gëtt a soumat selwer entscheede kann ob hie bereet ass, besonnesch bei kuerze Strecken, op e méi ëmweltfrëndlecht Transportmëttel zréckzegräifen oder e Supplement um Fluchpräis ze bezuelen, fir den CO2-Verbrauch vum Fliger ze kompenséieren.”;
  • D’Käschten, fir dës Moossnam ze realiséieren, si marginal;

Aus dëse Grënn invitéiert d’Deputéiertechamber d’Regierung:

  1. bei der Buchung vu Fligerticketen zu Lëtzebuerg soll an Zukunft den CO2-Ausstouss vum Passagéier bei der Reservéierung liesbar affichéiert ginn.
  2. och um Fligerticket (digital a Pabeier) soll den CO2-Ausstouss vum Passagéier liesbar affichéiert sinn.

Dës Motioun gouf an der Chamber ugeholl ass awer nach net ëmgesat.

Mir hunn an enger parlamentarescher Fro nogefrot, bis elo schéngt de Minister op dësem Plang awer nach näischt ënnerholl ze hunn.

Zesummenhang posts

Ufank Abrëll waren d’Piraten zesumme mat den anere Memberen vum Aktiounscomité géint Atomkraaft beim Wirtschaftsminister Lex Delles. D’Entrevue war u sech beim Premier gefrot
A menge parlamentaresche Froe n°3813 an 3927 hat ech op d’Situatioun vun Déierenbesëtzer um Wunnmarché opmierksam gemaach, wou et virkënnt, dass Locatairen verbuede kréien,
Den 15ten Abrëll 2024 um 19 Auer zu Koplëscht am HQ an online.  Start : 19h00 ; Enn 21h00 Vun der Parteileedung ware präsent: Clement Sven