Meteolux

De Méinden 21ten Februar huet Tageblatt bericht, dass d’Internetsäit vu Meteolux e puer Minutten nom Ausruffe vun der Alerte Rouge wéinst staarke Wandstéiss net méi erreechbar war. Laut Meteolux louch dësen Ausfall un enger Iwwerlaaschtung vum Server. Schonn d’lescht Joer wärend den Iwwerschwemmungen am Juli koum et zu technesche Problemer beim Site.

An deem Zesummenhang hu mir der Regierung dës Froe gestallt:

  1. Kann d’Regierung bestätegen, dass d’Site Meteolux op e staatleche Server migréiert gëtt? Wa jo, wat fir ee konkreten Zäitplang ass hei virgesinn? Wa nee, firwat net?

  2. Wat fir Schrëtt wäerte geholl ginn, fir d’Ofstierze vum Site vu Meteolux an Zukunft ze verhënneren?

  3. Laut Tageblatt schafft d’Regierung un enger Meteo-App duerch déi si sech eng méi effizient Kommunikatioun erhofft. Dës App kann awer natierlech nëmme vun deene benotzt ginn, déi ee Smartphone mam néidegen Internetzougang hunn. Denkt d’Regierung net, dass prioritär misst gekuckt ginn, fir d’Leit am Noutfall iwwert SMSen z’erreechen an d'”Gouvalert”-App ze verbesseren?

Verlaf an der Chamber

QP Nummer 5821

Zesummenhang posts

Den 12ten Juni gouf um RTL driwwer bericht, dass bei Konsdref e Känguru fortgelaf ass. Den 13ten Juni gouf um RTL den Artikel aktualiséiert
An der parlamentarescher Fro n°3235 vum August 2017 goufen eng Rei Froen zu der Zockersteier an anere Länner gestallt souwéi och zu enger méiglecher
Context: Etat de la nation 2024 D’Chamber vun den Deputéierten stellt fest: Datt eng Réi Mesuren nom Logementsdësch der Chamber proposéiert gi sinn. Dës