D’Parteileedung wëll am Numm vun der Piratepartei matdeelen, dass et eng weider Saisie op eise Konte ginn ass an der Héicht vun 42926,29 Euro. Insgesamt, ass domat vum europäesche Parquet bis elo eng Saisie vun 67203,79 Euro ordonéiert ginn.
D’Partei hëlt am Dossier MALT seng Verantwortung a wor nach ëmmer zu Kooperatioun an och Transparenz bereet.
An eisen Ae wäert d’Saisie mat der sougenannter Schold beim Office national de l’accueil (ONA) verrechent ginn. Aus dësem Grond sinn dës Suen och esou an eisem Budget als Tranchë fir déi nächst Joren virgesinn.
D’Partei bleift politesch handlungsfäeg, ass awer natierlech a finanzieller Hisiicht an enger schwiereger Situatioun.
Déi aktuell Parteileedung mat senge responsabele Persoune versicht mat Nodrock d’Affaire opzeklären a wäert den Autoritéiten och weiderhi fir all Informatioun transparent zur Verfügung stoen.
Parteileedung vun der Piratepartei
