ACCOUNT

Loftfilter a Schoulen a beim Staat

Am September wäert fir d’Lycées- a Primärschoulkanner erëm de Schoulalldag ufänken. Am Moment gesäit et net esou aus wéi wann bis dohin eng Herdenimmunitéit erreecht gëtt an nach ass kee Vaccin fir Kanner zougelooss. Eng Studie vum Institut für Strömungsmechanik und Aerodynamik vun der Bundeswehr-Uni zu Münche recommandéiert fir zousätzlech zum Stousslëften, Filter mat Hepa-Filteren a Banneraim anzesetzen. An der Äntwert op d’parlamentaresch Fro n°3147 hunn d’Gesondheetsministesch an den Educatiounsminister erkläert:

“De Sujet vun de Purificateurs d’air gëtt ganz enk vun der Gesondheetsdirektioun mee och vun anerenwëssenschaftlechen Entitéiten (LIH, Uni.lu etc.) suivéiert an et gëtt eng permanent Veille vun eventuelle neien Erkenntnisser gemeet.”

An deem Zesummenhang hu mir der Regierung dës Froe gestallt:

  1. Wéi stinn d’Ministeren haut zu Loftfilteren an de Schoulen? Denken d’Ministeren dass dës ee wichtegen Outil fir d’Schoulrentrée kënne sinn?

  2. An wéi villen Administratiounen a Ministèrë goufe säit dem Ufank vun der Pandemie Loftfilter oder Klimaanlage mat agebautem Loftfilter installéiert?

Verlaf an der Chamber

QP Nummer 4836

Zesummenhang posts

Mam Budget 2021 gouf d’Taxe d’abonnement ugepasst. Fongen, déi elo kënne virweisen, dass se zu 50% an nohalteg Produite bestinn, bezuele just nach 0,01%
De Konzern Philips huet am Juni 2021 eng Pressematdeelung raus ginn, laut der verschidden Otemgeräter missten zréckgeruff ginn. Et geet ee vu 5,5 Milliounen
D’Regierungspartei vum Här Mobilitéitsminister huet a Social Media Posten ugekënnegt, dass d’Linnen 179, 170, 174, 146 an 153 ab dem 28ten November géife mat