Dat lescht Joer hat ech dem Minister fir Mëttelstand e puer Froen zum Fonctionnement vun der online Verkafsplattform “Letzshop” gestallt. Mam Abroch vun der COVID-19-Pandemie huet de Minister decidéiert, dass de Membersbäitrag vu 500€ fir dëst Joer opgehuewen ass, fir esou den Entreprisen ze hëllefen.
An deem Zesummenhang hu mir der Regierung dës Froe gestallt:
-
Wéi schätzt de Minister déi zukünfteg Entwécklung vun der Plattform Letzshop an?
-
Opgelëscht no Gemeng, wéi vill Geschäfter ware virun der Coronakris op Letzshop ageschriwwen? No der nämleschter Oplëschtung, wéi vill sinn elo wärend der Coronakris bäikomm?
-
Wéi vill Gemengen sinn iwwert den Zäitraum vun der Coronakris op d’Plattform bäikomm? Ëm wéi eng Gemengen handelt et sech?
-
Wéi vill Produiten goufe virun der Coronakris op Letzshop ugebueden? Wéi huet sech dës Ziffer iwwert den Zäitraum vun der Coronakris entwéckelt?
-
Wéi vill Clicks goufe virun der Coronakris op Letzshop gezielt? Wéi huet sech dës Ziffer iwwert den Zäitraum vun der Coronakris entwéckelt?
QP Nummer 2176
