Den Nationalsozialismus hat ee Gesellschaftsmodell vun Haass, Jalousie an Ausschléissung ausgelieft an domadder ville Mënschen während iwwert engem Jorzéngt vill Leed ugedoen, déi als Verbriechen géint Mënschheet an der Geschicht festgehale goufen. Dofir ass et wichteg, dass eist Land verschidden Evenementer reegelméisseg commemoréiert, fir dass d’Affer vun dëse Verbriechen ni vergiess ginn.
91 Lëtzebuerger Zwanksrekrutéiert goufen am Konzentratiounslager Sonnenburg a Polen ëmbruecht. An dësem Lager houng eng schwéier Paart aus Eisen mat der Opschrëft „PAX“. Lénks war eng Plaque mat der Muttergottes a riets eise Staatswopen. Dës Paart gouf nom Krich vun de Lëtzebuerger gestëft a vill Leit identifizéieren sech nach haut domadder. Leider hänkt déi Paart zanter e puer Joer net méi an der Entrée vum Lager. Si befënnt sech an enger Fosse am lokale Pompjeesbau.
An deem Zesummenhang hu mir der Regierung dës Froe gestallt:
-
Wat gedenkt d’Regierung z‘ënnerhuelen, fir dass dës Paart, déi vun de Lëtzebuerger gestëfft ginn ass, nees op hir Plaz am Lager Sonneburg kënnt? A wéi engem Zäitraum wäert dëst passéieren?
-
Wat waren d’Grënn, dass d’Paart an der Entrée vum Sonnenlager iwwerhaapt démontéiert ginn ass?
QP Nummer 785
