Leasingkontrakt tëschent der Luxair a German Airways

Traditionell bitt d’Luxair sengen Aarbechter gefestegt sozial Bedéngungen, bei deenen d’Gewerkschaften an hir Fuerderunge mat engem ausgepräägte Matsproocherecht berécksiichtegt ginn. Dëst ass net bei alle Fluchgesellschaften eng Selbstverständlechkeet.

Wéi RTL den 23te Februar 2022 schreift, wäert d’Luxair bei der däitscher Airline “German Airways” mat Sëtz zu Köln, eng Embraer 190 leasen. Am Kader vun dësem “wet-lease”-Kontrakt wäert déi geleaste Maschinn mam Logo an an de Faarwe vun der Luxair fléien, mee d’Cockpit- a Kabinecrew soll weider fir German Airways schaffen. Dës “Leasing-Iwwergangsléisung” soll Mëtt Mee ugoen a soulaang gëllen, bis d’Luxair nei Fligere keeft fir hier eege Kapazitéiten opzestocken.

An deem Zesummenhang hu mir der Regierung dës Froe gestallt:

  1. Gëtt d’Cockpit- a Kabinecrew, déi laut dem Artikel weider fir German Airways wäert schaffen, nom Luxair kollektiv Vertrag oder German Airways Bedinunge bezuelt?

  2. Ass an Zukunft geplangt op weider Leasing- an Outsourcingoperatioune vu Fligeren zeréck ze gräifen?

  3. Gesäit de Minister bei dësem Virgoen net de Risiko, dass déi ausgepräägt sozial Grondrechter bannent der Luxair mat esou engem “wet-lease” Vertrag kéinnten ëmgaange ginn?  

Verlaf an der Chamber

QP Nummer 5846

Äntwert

Zesummenhang posts

Fir eng rezent Etude vum European Monitoring Center for Drugs and Drug Addiction (EMCDDA) goufen Ofwaasseranalysen a Stied a ganz Europa an och ausserhalb
An der Äntwert op meng Fro n°387 huet d’Mobilitéitsministesch informéiert, dass d’CFL am Joer 2035 misste ronn 40% méi Leit astellen, fir d’Ziler vum
Bei engem Nato-Treffen den 3ten Abrëll gouf iwwert d’Schafung vun engem Fong fir d’Ukrain diskutéiert. An dësem Fong sollen 100 Milliarden iwwert déi nächst