Op der Plattform Blocktrainer.de ass ze liesen, dass Däitschland tëschent Juni a Juli 2024 ronn 50000 BTC (Bitcoin-Unitéiten) verkaf huet, déi se am Kader vun engem Strofprozess géint d’Streaming-Plattform movie2kkonfiszéiert hat. Dës 50000 BTC goufe fir ronn 2,5 Milliarden Euro verkaf, mee wären elo ronn 4,3 Milliarden Euro wäert (+65%), wann d’Regierung sech net fir ee Verkaf entscheet hätt.
An deem Zesummenhang wéilt ech de Ministeren dës Froe stellen:
- Wéi vill BTC sinn aktuell am Besëtz vum Lëtzebuerger Staat a wat ass de Wäert vun dësen um haitegen Dag?
- Wéi eng aner Kryptowärungen sinn nach am Besëtz vum Staat a wat ass de Wäert vun dësen (um haitegen Datum?)
- Wéi eng a wéi vill Kryptowärungen ginn aktuell beim Bureau de Gestion des Avoirs vum Staat verwalt a wat ass den EURO-Wäert dovunner?
- Wéi vill a wéi eng Kryptowärungen goufen an de leschte Joren zu Lëtzebuerg verkaf a wéi vill Euro sinn domadder an d’Staatskeesen gefloss (opgelëscht pro Joer) ?
Fro n°1529
