Duerch een Akt beim Notaire geet eng Immobilie vun enger Hand an déi nächst. Den Notaire këmmert sech beim Verkaf ëm d’Rechtméissegkeet vun enger Vente a setzt d’Pabeieren op.
An deem Zesummenhang hu mir der Regierung dës Froe gestallt:
-
A wéi fern mussen Notairë kontrolléieren ob hinne kee Fall vu blanchiment virläit? Wat fir Prozedure mussen hei agehale ginn?
-
Am Fall wou eng Immobilie wäit ënnert Maartpräis soll de Besëtzer wiesselen, wat fir Prozedure mussen d’Notairen anhalen, fir ze kontrolléieren, dass dee Moment kee Bedruch virläit?
QP Nummer 7092
