Op Chantiere gi reegelméisseg Kontrollen duerchgefouert, dës kënne vun der Police oder der ITM gemaach ginn. Gëtt d’Kontroll vun engem Beamte vun der Police Grand-Ducale duerchgefouert, ass et üblech, dass Persounen, déi verdächtegt ginn, un enger Infraktioun bedeelegt ze sinn, iwwert hir Verdeegungsrechter informéiert ginn. Dozou gehéiert d’Recht ze schweigen, net ze kooperéieren an sech net selwer ze belaaschten. D’Beamte kënnen eng Persoun also duerno ënner Ëmstänn net méi ouni Weideres esou einfach interrogéieren, well eng concernéiert Persoun op hir Rechter zréckgräift.
Am Kontext vun der Aarbecht vun der ITM ass et bekannt, datt hir Inspekteren Infraktiounen am Code du Travail feststellen, déi och zu Sanktiounen, wéi am Gesetz virgesinn, féiere kënnen. Och si kënne Persounen, déi verdächtegt ginn, un enger Infraktioun bedeelegt ze sinn, interrogéieren.
- Hunn d’Inspektere vun der ITM déi selwecht Direktiv fir Persounen, déi verdächtegt ginn, un enger Infraktioun bedeelegt ze sinn, iwwer hir Rechter z’informéieren an dëst ze dokumentéieren?
- Wann jo, wéi gëtt dëst dokumentéiert?
- Wann nee, firwat ginn dës Grondrechter net respektéiert?
