Kontrolle bei den Zänndokteren

 Am rezente Fall, wou een Zänndokter liewenslänglech Beruffsverbuet zu Lëtzebuerg krut, ass erauskomm, dass d’Sterilisatioun vum Material net fachgerecht gemaach ginn ass. 

An deem Zesummenhang hu mir der Regierung dës Froe gestallt:

  1. Wat ass gesetzlech vu Maschinnen oder soss Material fir d’Sterilisatioun an engem Zänndokteschcabinet virgeschriwwen?

  2. Kontrolléiert de Gesondheetsministère (oder en anere Ministère) bei der Ouverture vun engem neien Zänndokteschcabinet, ob all d’Material (Maschinnen) fir d’Sterialisatioun sur place ass, gesetzeskonform ass a funktionéiert?

  3. Kontrolléiert de Gesondheetsministère (oder en anere Ministère) och bei alle scho bestoenden Zänndokteschcabineten, ob all d’Material (Maschinnen) fir d’Sterilisatioun sur place ass, gesetzeskonform ass a funktionéiert?
    • Wa jo, wéi reegelméisseg ginn dës Kontrolle gemaach?
    • Wa nee, wëll d’Ministesch hei Ännerunge virhuelen?

  4. Sinn all dës Kontrollen annoncéiert oder net?

  5. Wéi eng Sanktioune gi gesprach, wann en Zänndokteschabinet net konform ass?

  6. Wéi vill Cabinete waren an deene leschten 10 Joren net konform wat d’Material an d’Sterilisatiounen ugeet (Zuele pro Joer)? Goufen an all dëse Fäll Sanktioune gesprach?

  7. Wéi laang dauert am Schnëtt d’Prozedur vum Constat de non-conformité bis zum Beruffsverbuet oder der Fermeture définitive vum Cabinet?

  8. Risquéiert de Staat am Kader vun der Responsabilité civile (mat) responsabel ze sinn, wa Patienten ee Schued entsteet, wärend eng Prozedur géint een Dokter oder ee Cabinet leeft?

  9. Hu scho Patienten de Staat a sou engem Dossier viru Geriicht ugesicht (Responsabilité civile)?

Verlaf an der Chamber

QP Nummer 381

Zesummenhang posts

D’Post bitt zënter 2023 de Service vum online Recommandé un, mat deem ee Bréiwer iwwert den elektronesche Wee kann un een Destinatäre fortschécken. D’Post
A menge parlamentaresche Froe n°3813 an 3927 hat ech op d’Situatioun vun Déierenbesëtzer um Wunnmarché opmierksam gemaach, wou et virkënnt, dass Locatairen verbuede kréien,