Déi lescht Joren huet den Online-Commerce staark zougeholl, mat engem besonnesche Wuesstem vu Bestellungen aus Drëttlänner. An Däitschland hu Kontrollen am September 2024 gewisen, dass bei 62% vun de kontrolléierte Päck d’Konformitéit mat den EU-Standarden net direkt konnt festgestallt ginn. Dëst weist op méiglech Problemer bei der Importkontroll hin.
Am Kontext vun ongeféier 14-15 Millioune Päck, déi all Joer zu Lëtzebuerg verdeelt ginn, ass et wichteg ze verstoen, wéi vill Päck genee aus Drëttlänner kommen a wéi eng Kontrollmechanismen zu Lëtzebuerg besti fir d’Konformitéit mat den EU-Normen ze garantéieren.
An deem Zesummenhang hu mir der Regierung dës Froe gestallt:
-
Wéi vill vun de 14-15 Millioune Päck, déi zu Lëtzebuerg verdeelt ginn, kommen aus Drëttlänner, aus der EU a vun nationale Commercen?
-
Wéi verdeelt sech dat op déi eenzel Importkanäl – Loft, Zuch, Stroossentransport?
-
Wéi vill Kontrolle goufen an de leschten 3 Joer vu Päck aus Drëttlänner duerchgefouert a wéi eng Resultater hunn dës Kontrollen erginn?
-
Wéi eng Moossnamen an Zesummenaarbecht besteet tëscht der Douane, der Post an de private Courrier-Servicer, fir d’Konformitéit vun importéierte Wueren ze kontrolléieren?
-
Wéi héich schätzt de Minister de wirtschaftlechen Impakt vun Net-EU-konforme Wueren op de lëtzebuergesche Commerce?
QP Nummer 1903
