All Joer, vun ongeféier Mëtt Oktober bis Mëtt Dezember, si wärend enger Rei Wochen iwwerall am Land vill Klappjuegten. D’Zil vun de Klappjuegten soll et sinn, fir déi sougenannten Iwwerpopulatioun u Wëlldéieren ze reguléieren.
Mee d’Klappjuegd als Léisung fir d’Iwwerpopulatioun schéngt net wierklech ze gräifen. Et gi genuch Argumenter géint dës aggressiv Juegdmethod, wou Wëlldéieren a Panik an ënner Iwwerliewensstress geroden, wat och een Impakt op de Reproduktiounsrythmus vun den Déieren huet.
Wann een d’Ofschlosszuelen aus de leschte Joren kuckt, gesäit een, dass Joer fir Joer méi Wëlldéieren erschoss ginn, mee et ass nach ëmmer net gewosst, wéi vill Déieren dann tatsächlech an de Bëscher liewen. An de järleche Berichter vum Ëmweltministère fënnt een nëmmen d’Ofschlosszuelen, mee keng Bestandszuelen.
An deem Zesummenhang hu mir der Regierung dës Froe gestallt:
-
Wéi vill Klappjuegten goufen 2023 an 2024, opgelëscht pro Mount, ofgehalen?
-
Op wéi ville Juegten goufen an de vergaangene fënnef Joren Alkoholprouwen gemaach?
-
Wéi vill Zesummestéiss goufen et an deene vergaangenen véier Joren, opgelëscht no Mount, tëschent Wëlldéieren a Stroossegefierer?
-
Existéieren Zuelen dozou, wéi vill Accidenter mat Juegdhënn passéiert sinn oder wéi vill Mol Juegdhënn fortgelaf sinn?
QP Nummer 1680
