An engem ëmmer méi digitaliséierte Gesondheetswiese spillt Kënschtlech Intelligenz (KI) eng ëmmer méi wichteg Roll fir d’Verbesserung vun der Diagnostik, der Effizienz an der allgemenger Gesondheetsversuergung.
An deem Zesummenhang hu mir der Regierung dës Froe gestallt:
A wéi enge Beräicher gëtt Kënschtlech Intelligenz aktuell an de lëtzebuergesche Spideeler agesat? Kënnt Dir eng detailléiert Iwwersiicht iwwer déi aktuell Uwendungsfelder ginn, besonnesch wat d’Diagnostik, d’Administratioun an d’Betreiung vun de Patienten ubelaangt?
Ginn et konkret Donnéeën iwwer d’Effizienz an d’Qualitéitsverbesserung duerch den Asaz vu KI an eise Spideeler?
A wéi enge spezifesche medezinesche Beräicher ass den zukünftegen Asaz vu KI konkret geplangt? Ginn et speziell Projeten oder Ënnerstëtzungsprogrammer fir den Asaz vu KI: • an der Computertomographie (CT) • bei IRMen • bei Labo-Analysen • an der Echographie • bei anere diagnostesch Methoden
Wéi medezinesch Geräter sinn aktuell um Stand fir mat KI-Technologien opgerëscht ze ginn? Kann d’Ministesch eng detailléiert Oplëschtung pro Spidol a Gerätertyp uginn?
Existéieren offiziell Zäitpläng oder Pilotprojete fir KI an de Spideeler weider auszebauen? Falls jo, wéi eng Zäitraim sinn an de verschiddene medezinesche Beräicher virgesinn?
Wéi gëtt d’Dateschutzrecht am Kader vum Asaz vu KI-Systemer an de Spideeler garantéiert, a wéi eng spezifesch Moossnamen huet d’Regierung geholl, fir d’Sécherheet vun de sensibele Patientendaten ze garantéieren?
Wéi gesäit d’Regierung d’Investitiounsstrategie an d’Finanzéierung vun dësen digitalen Innovatiounen am Gesondheetswiesen?
QP Nummer 2140
