Context:Aktualitéitsstonn zur COP26
D’Chamber vun den Deputéierten stellt fest:
- Den Donnéeë vum STATEC no (Composition du mix national de l’électricité fournie aux clients finals) bedréit den Undeel vu fossillen Energien am Stroummix ëmmer nach 30%;
- Eng Motioun vun 29/4/2021, déi am Kader vum Gesetzesprojet 7649 deposéiert an an d’Kommissioun verwise gouf, hat gefrot fir de Stroummix “atom-fräi” ze kréien. De Minister fir Energie stoung dëser Fuerderung positiv géigeniwwer an huet versprach, an deem Beräich Drock op europäeschem Niveau ze maachen;
- Den Usproch muss sinn, de Stroummix mëttelfristeg och CO2-fräi ze kréien;
Aus dëse Grënn invitéiert d’Chamber vun den Deputéierten d’Regierung:
- bis Enn 2022 ee konkrete Plang virzeleeën, fir de Kuelestroum aus dem “mix résiduel” auszeschléissen an dëse Plang bis 2030 ëmzesetzen.
