ACCOUNT

Kéint de Verkaf vun Eltrona zu engem Monopol féieren?

Wéi d’Plattform broadbandtvnews.com an engem Online-Artikel vum 25te Februar beriicht, wäert eng zu Lëtzebuerg féierend Firma am Telekommunikatiounsberäich (Eltrona) vun enger belscher Telekom-Grupp (Telenet) iwwerholl ginn. Dat Nennenswäert bei dëser Iwwernam ass, dass d’POST ugekënnegt huet, seng 34% Undeelsaktien vun der lëtzebuergescher Firma wäerten un de belsche Grupp ze verkafen.

An deem Zesummenhang wéilt ech dem Minister dës Froe stellen:

  1. Ass de Minister der Meenung, datt duerch dës Transaktioun déi belsch Firma eng dominant Positioun um Coax-baséierte Reseau anhuele wäert?
  2. Gouf dës Transaktioun virdrunner vum Conseil de la Concurrence aviséiert?
  3. Existéiere Garantien fir d’Clienten, datt duerch d’quasi-Monopoliséierung vun den nationale Coax-Réseauen d’Konkurrenz garantéiert bleift? Plangt de Ministère d’Instrumenter, déi him zur Verfügung stinn, ze notzen, fir Konkurrenz a Konsumentechoix ze garantéieren?
  4. Ass geplangt dem neien Acteur änlech Konditiounen opzeerleeë, wéi der POST, wat den Accès vun Drëtten op hire Reseau iwwert eng sougenannten “wholesale offer” ubelaangt?

Zesummenhang posts

An der Äntwert op meng Fro n°4733 hat d’Familljeministesch mech informéiert, dass Stand August 2021, 271 Logementer an Alters- a Fleegeheemer keng eege Toilette
Zanter dëser Woch gi viru Geriicht d’Virwërf géint d’Gerante vun enger Crèche gepréift. Der Ugeklote gëtt premeditéiert Kierperverletzung géint Kanner a Salariéeë virgehäit.  An