Ee WORT-Artike vum 1ten August titelt “Die Kosten des TICE steigen dramatisch”.
Deemno läit de Käschtepunkt am Joer 2023 fir den TICE bei ronn 70 Millioune Euro fir ronn 7 Milliounen gefuere Kilometer. Dat si ronn 10€ pro Kilometer.
Bei den CFL-Busser läit de Käschtepunkt bei ronn 8,5€ pro Kilometer fir d’Joer 2025 (61 Milliounen Euro fir 2025 bei och ronn 7 Millioune gefuerene Kilometer), wann een d’Zuele vum Gesetzesprojet n°8322 kuckt.
An deem Zesummenhang wéilt ech der Madamm Ministesch dës Fro stellen:
- Wéi vill Busser wäerten 2025 bei den CFL fueren a wéi vill beim TICE?
- Ronn 380 Buschauffere fuere laut WORT-Artikel aktuell fir den TICE. Wéi vill Buschauffere fueren aktuell fir d’CFL?
- Wéi vill Passagéier goufen 2023 vun den TICE-Busser transportéiert a wéi vill vun den CFL-Busser?
- Wéi vill Euro huet de Staat 2023 fir d’Busservicer vun den CFL bäigeluecht a wéi vill fir den TICE? Wéi gesäit de Ratio aus, wann een d’Subventioun duerch d’Unzuel u Passagéier dividéiert?
Fro n° 1099
Verlaf an der Chamber
