Fir ze garantéieren, datt d’Kanner an d’Schoul kenne goen, egal wéi wäit hier Schoul vun hirem Doheem ewech ass, gëtt zu Lëtzebuerg vun ëffentlecher Säit aus e Mobilitéitsservice offréiert. Am Reegelschoulberäich ass et esou, datt de Staat just fir Schoulen um lëtzebuergeschen Territoire e Busservice ubitt. Well awer eng gewëssen Unzuel u Kanner mat spezifesche Besoinen am Ausland beschoult gëtt, fueren e puer Busser och all Mueren iwwert d’Landesgrenzen eraus.
An deem Zesummenhang huet de Sven Clement de Ministeren fir Bildung an Transport dës Froe gestallt:
- Wéi vill Schoulen am Ausland gi vu Kanner mat besonnesche Besoinen, déi zu Lëtzebuerg ugemellt si, besicht? Em wéi vill Kanner handelt et sech hei?
- Wat sinn d’Grënn dofir, datt dës Kanner Strukturen am Ausland besiche mussen? Feelt et an de lëtzebuergesche Strukturen u Schoulplaze fir des Kanner oder feelt et u passende Strukturen?
- Wéi vill Allez-Retouren, déi iwwert d’Landesgrenzen eraus ginn, gi pro Woch vum Schoulbusservice gefuer? Wéi vill Kilometer erginn sech esou an absolutten Termen an am Terme vu Passagéierkilometer?
