Wéi aus engem Avis vum Stater Gemengerot ervir geet, ginn et eng Rei Problemer am Zesummenhang mat der VISUPOL-Kamera, déi um Kierchbierg de Centre de Conférence filmt. Problematesch ass, dass net just de Centre, mee och d’Entrée vun engem Hotel gefilmt gëtt, an dass aplaz vun der Police och privat Sécherheetsfirmen d’Bildmaterial consultéieren.
An deem Zesummenhang hu mir der Regierung dës Froe gestallt:
-
Wéi ass et méiglech, dass déi genannte Kamera och en Hotel iwwerwaacht? Wien ass responsabel fir d’Ophänken an d’Ausriichtung vun de VISUPOL-Kameraen ze iwwerpréiwen?
-
Wéi koum et dozou, dass privat Sécherheetsfirmen en Accès op d’Bildmaterial vun der Kamera kritt hunn?
-
Wäert dës Kamera nei ausgeriicht ginn an d’Bildmaterial zukünftegt just nach vun der Police ausgewäert ginn?
-
Wéi wëll de Minister assuréieren, dass et an Zukunft net méi zou Problemer, wéi deene genannten, kënnt?
-
Gëtt et eng legal Basis, fir private Sécherheetsfirmen Zougang zu de Kamerae vu VISUPOL ze ginn? Falls net, wéi eng Suitte wäert d’Regierung dësem Gesetzesverstouss ginn?
QP Nummer 6471
