ACCOUNT

Zäit fir een Ëmdenken bei der Juegd op Wëllschwäin?

Zënter Joren héiert een ëmmer erëm, dass et eng Iwwerpopulatioun u Wëllschwäi géif ginn. Verschidden Acteure maachen d’Politik dofir verantwortlech, well d’Reegelen, wéi eng Juegd dierf ofgehale ginn, ze strikt wieren. Wann een d’Ofschlosszuelen aus de leschte Joren awer kuckt, gesäit een, dass Joer fir Joer méi Wëllschwäin erschoss ginn. Deemno kann een net pauschal soen, dass d’Reegelen, déi och fir ee gewëssene Schutz vun der Natur a vum Déier solle suergen, der Juegd géifen am Wee stoen. D’Wëllschwäipopulatiounen huet och vun enger intensiver Landwirtschaft an engem douce Klima wéinst der Äerderwärmung profitéiert. Och d’Andrénge vum Mënsch an de Liewensraum vun den Déieren huet dofir gesuergt, dass Populatiounen ënner méi Iwwerliewensstress geroden, wat och een Impakt op de Reproduktiounsrythmus vun de Wëllschwäin huet. Do muss een sech och d’Fro stellen, ob d’Juegd an hirer aktueller Form nach ugepasst ass, fir d’Wëllschwäinpopulatiounen an de Grëff ze kréien. Klappjuegten oder, wéi se elo genannt ginn, Beweegungsjuegten, brénge mat sech, dass de Mënsch op den Territoire vun den Déieren andréngt an d’Déieren am Bësch an eng temporär Panik versetzt.

An deem Zesummenhang hu mir der Regierung dës Froe gestallt:

  1. An de järleche Berichter vum Ëmweltministère fënnt een ëmmer nëmmen d’Ofschlosszuelen, mee net d’Bestandszuele vun de Wëllschwäinpopulatiounen erëm.  • Firwat ginn op deene Plazen, op deenen “ze vill” Wëllschwäi sinn, keng Zielunge virgeholl?  • Ab wéi vill Unitéite sinn op enger Plaz “ze vill” Wëllschwäin? • Fir wat gëtt kee Plang opgestallt, dee quantifizéiert duerleet, wéi vill Wëllschwäin op enger Plaz liewen a wéi vill Wëllschwäin de Ministère op dëser Plaz wéilt hunn (Ist-Soll-Analyse)?

  2. Am RTL-Interview vum 28ten Dezember schwätzt de Conseiller vum Ëmweltministère dovunner, dass de Bien-être animal primordial ass an een do wéilt Verbesserunge maachen, zum Beispill fir d’Zuel vun de blesséierten Déieren ze reduzéieren. • Ginn et Zuelen doriwwer, wéi vill Déiere falsch ugeschoss gi sinn? Falls jo, kann d’Ministesch mir d’Zuele vun de vergaangenen 3 Joer virleeën? • Falls nee, wéi wëll d’Ministesch dofir suergen, fir dass manner Déiere falsch ugeschoss ginn, wann een net bemoosse kann, wéi vill der falsch ugeschoss ginn?

  3. Fir wat mengt d’Ministesch, dass d’Notze vun Nuetsiichtgeräter fir eng Verbesserung wäert suergen?

  4. Ass d’Ministesch der Meenung, dass méi Klappjuegten a Beweegungsjuegte mussen ofgehale ginn, fir d’Wëllschwäinpopulatiounen ze reduzéieren?

Verlaf an der Chamber

QP Nummer 7431

Zesummenhang posts

De 25te Februar 2022 ass dat neit Denkmalschutzgesetz a Kraaft getrueden. Nom Artikel 18 vum Gesetz kann all Interesséierten an all Organisatioun eng Demande
Haut kruten d’Deputéierten aus der Justizkommissioun een Entworf fir ee Gesetz zu Vorratsdatespäicherung virgeluecht. D’Piraten schwätze kloer vun engem Staubsauger a plaidéiere fir d’Ofschafung
Verschidden Haushalter hei am Land gi mat Fernwärme versuergt, fir hir Wunneng oder hiert Haus ze hëtzen. Och hei sinn d’Präisser a leschter Zäit