Säit dem 27ten Abrëll 2020 gëtt et de Large Scale Testing (LST) zu Lëtzebuerg, mam Zil besser informéiert ze sinn an d’Kris besser geréieren ze kënnen.
An der lescht gouf reportéiert, dass op verschiddenen LST-Statioune Iwwerwaachungskameraen opgestallt goufen.
An deem Zesummenhang hu mir der Regierung dës Froe gestallt:
Ass der Regierung bekannt, dass Iwwerwaachungskameraen op den LST-Statiounen installéiert gi sinn?
• Falls jo: Aus wat fir Grënn gouf dat esou decidéiert?
Wou ginn d’Date vun den Iwwerwaachungskamerae gespäichert?
Fir wéi laang ginn déi Informatioune gespäichert?
Goufe just op bestëmmten LST-Statiounen Iwwerwaachungskameraen ubruecht oder an allen Teststatiounen?
• Wann se just op bestëmmten Teststatiounen installéiert goufen: Wéi eng Teststatioune krute Kameraen?
QP Nummer 3791
