D’Regierung schafft aktuell un enger Reform vun der Akommessteier, woubäi et zu enger Individualiséierung soll kommen, bei där d’Steierklassen ofgeschaaft ginn. An der leschter Legislaturperiod goufen et vill Informatiounen doriwwer, wéi deen aktuelle System opgebaut ass a wéi vill déi eenzel Steierklassen abezuelen.
An deem Zesummenhang hu mir der Regierung dës Froe gestallt:
Wéi vill Persounen an deenen eenzelne Steierklassen bezuelen aktuell méi Steieren, ewéi se un Allocatiounen a Servicer erëmkréien? Aneschters gefrot, wéi vill Stéit sinn Nettosteierzueler?
Wéi vill Steierzueler sinn (de leschte verfügbaren Zuelen no) an der Steierklass 1a a wéi verdeelen dës Stéit sech op déi eenzel Ënnerkategorien 1. les personnes veuves, 2. les personnes qui bénéficient d’une modération d’impôt pour enfants, 3. les personnes ayant terminé leur 64e année au début de l’année d’imposition.
Wéi vill Steieren bezuelen déi eenzel Ënnerkategorien vun der Steierklass 1a (Total, Duerchschnëtt a Median fir dat lescht Joer, wou Donnéeen verfügbar sinn)?
QP Nummer 2401
