An de leschte Joren ass d’Unzuel vun Investor-Staat-Schiedsverfahren weltwäit staark geklommen. Lëtzebuerg ass als internationale Finanzzentrum besonnesch exposéiert fir esou Verfaren. Rezent gouf bekannt, datt de russesch-israeeleschen Oligarch Mikhail Fridman eng Fuerderung vu 16 Milliarden Dollar géint Lëtzebuerg agereecht huet wéinst dem Afréiere vu sengem Verméigen am Kader vun den EU-Sanktioune géint Russland.
- Wéi vill Investor-Staat-Schiedsverfahre sinn aktuell géint Lëtzebuerg am Gaang, a wéi héich sinn déi bis elo ugefalene Verfuerenskäschten?
- Wat ass de Gesamtbetrag vun den Entschiedegungszommen, déi an dëse Verfare vun Investore gefuerdert ginn?
- Gëtt et nach weider Verfare vun Investore virun internationale Schidsgeriichter géint Lëtzebuerg, déi net op Basis vun engem Investitiounsschutzofkommes, mee op Basis vun engem Vertrag zustane komm sinn?
- Wéi vill Absichtserklärunge vun Investoren huet d’Regierung kritt, an deenen dës eng Schidsgeriichtsklo géint Lëtzebuerg ukënnegen?
- Wéi eng Iwwerleeungen a Pläng huet d’Regierung, fir déi bestoend lëtzebuergesch Investitiounsschutzofkommessen ze reforméieren oder ze kënnegen?
- Wéi positionéiert sech d’Regierung an den EU-Verhandlungen bezüglech der Inklusioun vun Investitiounsschutzkapitelen mat Investor-Staat-Schiedsbäilegung a neie Fräihandelsofkommen?
