An den Handyskontrakter vun der Post fënnt sech ënnert der Ënnerschrëft “Information compte” nieft den Detailer fir d’Facturatioun och d’Fro no der Insertion annuaire. Falls dës mat “Jo” beäntwert ass, gëtt de Client der Post d’Erlabnis, seng Handysnummer an säin Numm op editus.lu an am Telefonsbuch ze verëffentlechen.
An deem Zesummenhang hu mir der Regierung dës Froe gestallt:
Zënter wéini ass d’Méiglechkeet vun der Insertion annuaire an den Telefonskontakter vun der Post festgehalen?
Gëtt am Fall, wou ee Client beim Ënnerschreiwe vun engem Kontrakt “Nee” ukräizt, gepréift, ob d’Date vun dëser Persoun am Annuaire festgehale sinn an entspriechend deem néie Kontrakt aus dësem geläscht ginn?
Wéi vill Persounen hunn an deene leschte 5 Joer bei der Post ugefrot, fir hier Donnéeën aus dem Annuaire ze läschen?
QP Nummer 4919
