Am ofgeännerte Gesetz vum 18ten Dezember 2009 ass d’Aide sociale gereegelt. Iwwert d’Office sociaux kënnen d’Leit Hëllefe kréie fir Waasser-, Stroum- an Heizrechnungen ze bezuelen, fir Dokteschrechnungen ze bezuelen oder fir Iesswueren ze kréien. D’Unzuel u Persounen, déi op Hëllefen ugewise sinn, klëmmt all Joers. Laut Caritas Lëtzebuerg ass d’Frequentatioun vun den 12 Sozial-Epicerien iwwer déi lescht 5 Joer ëm 30 % erop gaangen.

An deem Zesummenhang hu mir der Regierung dës Froe gestallt:

1. Wéi vill Demandë fir Hëllefe goufen an deene leschte 5 Joer vun den Office sociaux ofgeleent ? Aus wat fir enge Grënn ?

2. Wéi vill Demande fir Hëllefe goufen an deene leschte 5 Joer vun den Office sociaux ofgeleent, mam Grond, dass gefroten Dokumenter net mat Zäite per Bréif eragereecht goufen?

3. Wéi vill Persounen hunn an deene leschte 5 Joer op Grond vun enger ofgeleenter Demande ee Recours virum Conseil arbitral gemaach?

4. Wéi vill Persounen hunn an deene leschte 5 Joer op Grond vun enger ofgeleenter Demande ee Recours virum Conseil supérieur des assurances sociales gemaach?

5. Wéi vill vun dëse Persoune krute beim Recours viru béide Conseile Recht zougesprach?

Verlaf an der Chamber

QP Nummer 7229