Gratulujeme – Gratulatioun un eis Tschechesch Schwester Partei

Den 8ten an 9ten Oktober waren an Tschechien national Walen. Bei dësen ass eis tschechesch Schwësterpartei Česká pirátská strana mat hirem Lëschtepartner STAN zur drëttstäerkste Kraaft am tschechesche Parlament gewielt ginn. Mat 15,6% vun de Stëmme konnten si d’Wieler iwwerzeegen an hunn sech esou eng Plaz an der nächster Regierung geséchert. Eng Première, déi éischt Piraten déi wäerten an engem Land matregéieren!

 

D’Pirate gratuléieren hirer Schwësterpartei fir déi haart Aarbecht déi si an deene leschte Wochen a Méint wärend de Wale geleescht hunn, a fir hiren ernéiten Anzuch an d’Parlament. Mat der STAN Partei zesummen hunn d’Piraten sech dann och onëmgänglech gemaach, wat d’Formatioun vun enger neier Regierung ugeet. De viraussiichtlech neie Premier an Tschechien, de Petr Fiala, huet seng Lescht vu Ministere scho publizéiert an d’Pirate wäerten net nëmmen Deel vun dëser Regierung sinn, mee d’Zukunft vum Land ganz entscheedend matgestalte kënnen.
De Petr Fiala huet den Ivan Bartoš, de Parteipresident vun den tschechesche Piraten, als Minister for Regional Development and Digitalisation nominéiert. Donieft soll den Deputéierte Jan Lipavský Ausseminister ginn an de Michal Šalomoun Minister of Legislation. 4 weider Pirate wäerten am Parlament hier Plaz fannen.

D’Lëtzebuerger Pirate freeë sech mat hirer Schwësterpartei a wënschen hir vill Erfolleg an der nächster Regierung. Mir wënschen och de 4 Deputéierte vill Erfolleg an eng konstruktiv Aarbecht am Parlament. Mir sinn iwwerzeegt, dass si wäerte ganz Europa weisen, wat d’Piraten alles kënnen ëmsetzen, wann se bis matregéiere kënnen.

Gratulujeme a přejeme hodně štěstí! – Gratulatioun a vill Erfolleg!

Zesummenhang posts

Den 12ten Juni gouf um RTL driwwer bericht, dass bei Konsdref e Känguru fortgelaf ass. Den 13ten Juni gouf um RTL den Artikel aktualiséiert
An der parlamentarescher Fro n°3235 vum August 2017 goufen eng Rei Froen zu der Zockersteier an anere Länner gestallt souwéi och zu enger méiglecher
Context: Etat de la nation 2024 D’Chamber vun den Deputéierten stellt fest: Datt eng Réi Mesuren nom Logementsdësch der Chamber proposéiert gi sinn. Dës