De 24te Januar ass den International Day of Educatioun. Den UNESCO Global Education Monitoring Report 2024 weist drop hin, dass weltwäit 251 Millioune Kanner a Jugendlecher net an d’Schoul ginn. Besonnesch alarmant ass och, dass 70 Prozent vun den zéng Joer ale Kanner a Länner mat niddregen a mëttlere Revenu net an der Lag sinn, eng einfach Geschicht ze liesen an ze verstoen.

Am Kontext vun de Sustainable Development Goals (SDG 4) an dem Zil vun enger inklusiver a qualitativ héichwäerteger Bildung fir jiddereen, ass et wichteg ze verstoen, wéi Lëtzebuerg sech an dësem globale Kontext positionéiert.

An deem Zesummenhang hu mir der Regierung dës Froe gestallt:

1. Ass den SDG och op Lëtzebuerg applikabel?
   • Wa jo, wat fir e Budget an Investitioune sinn hei konkret virgesinn?
   • Wa jo, ass Lëtzebuerg momentan um Wee, fir déi festgeluechten Ziler  vum SDG 4 bis 2030 ze areechen, a wéi eng Mesuren si virgesi fir dës Zieler ze erreechen?

2. Wéi vill Prozent vun de Kanner a Jonken hei am Land kënnen net richteg liesen oder schreiwen?

3. Wéi eng Programmer a Ressourcë setzt d’Regierung an, fir sécherzestellen, dass all Schüler déi fundamental Fäegkeeten am Liesen, Schreiwen a Rechnen entwéckelt?

4. Wéi evaluéiert d’Regierung de momentanen Niveau vun dëse Basis-Kompetenze bei de Schüler, a wéi eng Mesurë gi geholl, wann Defiziter festgestallt ginn?

Verlaf an der Chamber

QP Nummer 1836