Gewalt bei der Gebuertshëllef stoppen

Heure d’actualité relative aux violences gynécologiques et obstétricales

D’Chamber vun den Deputéierten stellt fest:

  • Lëtzebuerg huet 2015 d’Konventioun vun Istanbul vum Conseil de l’Europe iwwert d’Preventioun an de Kampf géint d’Gewalt géint Fraen an d’haislech Gewalt ënnerschriwwen;
  • De Groupe de Travail “Santé de la Femme” vum Ministère de la Santé huet 2021 Recommandatiounen eraus ginn, wéi Gewalt am Zesummenhang mat gynekologeschen Ënnersichungen an der Gebuert soll verhënnert ginn, woubäi de Fokus vun de Recommandatioune kloer um Gebuertsvirgang läit;
  • Aktuell ginn et keng detailléiert Recommandatiounen, déi sech spezifesch mat der Vermeidung vu Gewalt bei gynekologeschen Ënnersichunge vu besonnesch vulnerabel Gruppe beschäftegen (z. B. trans* Persounen, lesbesch Fraen, jonk Fraen oder Fraen aus Kulturkreesser, wou medezinesch gynekologesch Ënnersichungen net routineméisseg gemaach ginn).

Aus dëse Grënn invitéiert d’Chamber vun den Deputéierten d’Regierung:

  1. an Zesummenaarbecht mam Groupe de Travail “Santé de la Femme” all déi Gruppen ze ermëttelen, déi als besonnesch vulnerabel kënnen ugesi ginn, wann et drëms geet, Gewalterfarunge bei gynekologeschen Ënnersichungen ze maachen;
  2. de Groupe de Travail “Santé de la Femme” ze invitéieren, Recommandatiounen auszeschaffen, fir Gewalt vis-à-vis vun dëse Gruppen bei gynekologeschen Ënnersichungen ze vermeiden.

Zesummenhang posts

Den 12ten Juni gouf um RTL driwwer bericht, dass bei Konsdref e Känguru fortgelaf ass. Den 13ten Juni gouf um RTL den Artikel aktualiséiert
An der parlamentarescher Fro n°3235 vum August 2017 goufen eng Rei Froen zu der Zockersteier an anere Länner gestallt souwéi och zu enger méiglecher
Context: Etat de la nation 2024 D’Chamber vun den Deputéierten stellt fest: Datt eng Réi Mesuren nom Logementsdësch der Chamber proposéiert gi sinn. Dës