An de leschte Joren ass et zu enger Hausse vu Gewalt a sexuellem Mëssbrauch duerch Mannerjäreger komm. Dëst ass e besonnesch alarmanten Trend, well et sech net méi just ëm Eenzelfäll handelt, mee ëm e wuessend Problem an eiser Gesellschaft. Experte weisen drop hin, dass et wichteg ass, d’Ursaachen an d’Warnsignaler fréizäiteg z’erkennen an unzegoen. Dobäi spillen d’Elteren eng wichteg Roll an der Präventioun a fréier Interventioun.
An deem Zesummenhang hu mir der Regierung dës Froe gestallt:
-
Wéi eng konkret Mesurë plangt de Ministère fir d’Ursaache vun dësem Phänomen z’erfuerschen a besser ze verstoen?
-
Wéi kann d’Elterenaarbecht a Sensibiliséierung verbessert ginn, fir Elteren ze hëllefen, Warnsignaler fréizäiteg z’erkennen an adequat ze reagéieren?
-
Wéi kann d’Zesummenaarbecht tëscht Schoulen, Jugendservicer an anere relevanten Acteuren optimiséiert ginn, fir eng effektiv Präventioun a fréizäiteg Interventioun ze garantéieren?
-
Wéi kënne Kanner a Jugendlecher besser geschützt a begleet ginn, déi selwer Gewalt oder sexuelle Mëssbrauch ausgeüübt hunn, fir eng Reintegratioun an d’Gesellschaft z’erméiglechen an eng Recidive ze verhënneren?
QP Nummer 1879
