D’Universitéit Lëtzebuerg huet fir de 7. Oktober eng Konferenz mam Titel “Climate Change: What Challenges for Science and Society” organiséiert. Als Gastspriecher gouf den Här Petre Roman, fréiere Premier vu Rumänien, agelueden. Wärend mir d’Onofhängegkeet vun der Universitéit an hir wëssenschaftlech Integritéit respektéieren, werfen d’Hannergrënn vum Här Roman e puer Froen op.
An deem Zesummenhang wéilt ech der Madamm Ministesch dës Fro stellen:
- War de Minister sech bewosst, dass den Här Roman am Moment an enger Enquête a Rumänien involvéiert ass wéinst méigleche Verbrieche géint d’Mënschlechkeet am Joer 1990?
- Huet d’Regierung iergendeng Roll bei der Organisatioun vun dësem Evenement gespillt oder d’Invitatioun vum Här Roman beaflosst?
- Ginn et Richtlinnen oder Prozedure vun der d’Universitéit Lëtzebuerg, déi d’Auswiel vu Gastspriecher fir akademesch Evenementer reegelen, besonnesch am Hibléck op hiren Hannergrond an hir Expertisen am jeeweilege Beräich?
- Wat ass d’Positioun vum Minister bezüglech der Participatioun vu Regierungsmemberen un dësem Evenement, am Liicht vun de genannte Circonstancen?
