Sou wéi den Artikel 25 vum Gemengegesetz et virgesäit, hu mir dem Schäfferot zu Péiteng folgend Fro gestallt.
Zu Péiteng ass zënter e puer Wochen eng Rout Luucht defekt. Et handelt sech ëm d’Luucht an der Rue Jean-Baptiste Gillardin, déi no vun der Primärschoul, der Museksschoul, der Seniorerie an der Kierch verleeft, deemno op engem geféierlechen Eck, wou vill Foussgänger ënnerwee sinn a wou d’Autosfuerer aus enger oniwwersiichtlecher Kéier erauskommen. Wéinst der schlechter Siicht besteet deemno een erhéichte Risiko vun engem Accident.
An deem Zesummenhang wëll ech dem Schäfferot a Buergermeeschter dës Froe stellen:
- Zënter wéini ass di besoten Rout Luucht defekt?
- Firwat ass d’Rout Luucht bis haut nach net gefléckt ginn?
- Huet d‘Gemeng ee Stock un Ersatzmaterial fir an esou Fäll kënne séier ze reagéieren?
- Wéini wäert déi besoten Rout Luucht gefléckt ginn?
