Eng Fro gouf gestallt op fro.lu
An de parlamentaresche Froen n°340, 733, 1293 a 1781 hunn eng Rëtsch Deputéierten Informatiounen zu der Strategie vun der Regierung par Rapport zu der Waasserstofftechnologie am Transportsecteur krut.
Am Uschloss un dës Froe hu mir den zoustännege Ministere folgend Froe gestallt:
- Wéi vill Waasserstoff-Autoe sinn de Moment zu Lëtzebuerg immatrikuléiert?
- Wëssend, dass et aktuell nach keng Waasserstofftankstell zu Lëtzebuerg gëtt: wou tanken dës zu Lëtzebuerg immatrikuéiert Autoen?
- Wéi d’Regierung annoncéiert huet, wäert bis Enn vun dëser Legislaturperiod déi éischt Waasserstoftankstell zu Lëtzebuerg gebaut ginn. Wéi vill wäert de Bau vun dëser Tankstell kaschten?
- Plangt d’Regierung zu Lëtzebuerg Strukturen, fir Waasserstoff an Zukunft hei am Land aus erneierbaren Energien ze produzéieren? Falls jo, wéi vill Megawattstonne Stroum misste produzéiert ginn, fir all déi zu Lëtzebuerg immatrikuléiert Autoen ze beliwweren ? Falls nee, firwat net ?
Iwwert fro.lu gouf eis eng Fro gestallt, déi mir als Question Parlementaire mat an d’Chambre huelen. Wann och iech eppes um Häerz leit an dir eng Fro un d’Regierung hutt, da stellt eis är Fro. Einfach laanscht surfen op www.fro.lu
