ACCOUNT

FRO.LU: Waardezäite beim CASS

Eng Fro gouf gestallt op fro.lu.

De Conseil arbitral de la sécurité sociale (CASS) ass eng éischt Instanz, déi fir Ugeleeënheeten a Sträitfäll a Saache Sozialversécherung tëschent Versécherten a Versécherer zoustänneg ass.

An engem Quotidiens-Artikel vum 10te September 2020 gëtt vun 800.000 Versécherten zu Lëtzebuerg geschwat. Virun dësem Hannergrond, an der steigender Unzuel vun Dossieren déi järlech bei der CASS agereecht ginn, goufen d’Capacitéiten (nei Raimlechkeeten, méi Personal, etc.) vun der CASS am Joer 2020 erhéicht.

An deem Zesummenhang hu mir der Regierung dës Froe gestallt:

  1. Baséierend op den Zuele vun de leschten 3 Joer:
    • Wéi vill Dossiere goufe pro Joer vum CASS opgemaach?
    • Wéi vill Casë goufe pro Joer vum CASS ofgeschloss?
    • Wat war den duerchschnëttleche Montant, ëm déi et an den traitéierten Affär gaangen ass?
    • Wéi oft gouf am Sënn vum Versécherten, wéi oft am Sënn vum Versécherer tranchéiert? 

  2. Wëssend, dass Delaie jee no Cas kënne variéieren, wéi vill Zäit vergeet duerchschnëttlech vun der Demande de Recours bis hin zum éischten Debat? 

  3. Wéi vill Zäit vergeet duerchschnëttlech vun der Demande de Recours bis hin zur Decisioun?

  4. Konnten opgrond vun den am Artikel ugeschwate Capacitéitserhéijunge schonn Entlaaschtunge festgestallt ginn? Wa jo, wéi manifestéieren sech dës?  

Fro n°6056

Iwwert fro.lu gouf eis eng Fro gestallt, déi mir als Question Parlementaire mat an d’Chambre huelen. Wann och iech eppes um Häerz läit an dir eng Fro un d’Regierung hutt, da stellt eis är Fro. Einfach laanscht surfen op www.fro.lu

Verlaf an der Chamber

QP Nummer 6056

Zesummenhang posts

An der Äntwert op eng virrecht parlamentaresch Fro (n°7226) huet den Aarbechtsminister erkläert, dass Persounen an enger Aarbechtsmesure bei der ADEM (OTI, CAE, CIE,
Es heißt nicht umsonst, dass Gewalt viele Gesichter hat, denn es gibt unterschiedliche Arten von Gewalt und unterschiedliche Opfer von Gewalt, auch in Beziehungen.